Na achega do 24 de decembro comentamos que, dende hai máis de tres décadas, escoitamos o vinilo monográfico de Leontyne Price sobre o Nadal arredor dalgúns clásicos, dirixida polo xenial Herbert Von Karajan. Hoxe inserimos o volume completo, mesmo coa confianza de que escampe a xeira deste bicho doente que axexa e axexa e non acouga. Inoculemos boas vibracións… Listen:
No libro de “Conversas” [Prol / Carballa, ANT: 2002] preguntámoslle ao presbítero ilustrado de Maceda: “¿Á túa casa chegaban noticias dos que paseaban en Maceda e dos nove que fusilaran o 31 de decembro de 1936, despois dun consello de guerra ignominioso? Si. Vixiábase a casa e nós estabamos en expectativa constante. Había medo de que houbese reaccións. Teño na memoria con todo detalle os acontecementos do 36. Deses nove martirizados, que hoxe teñen un monolito de lembranza na Praza…
Agasalla hoxe, 31 de decembro de 2021, o xornal “Nós Diario” o facsímile da derradeira achega da histórica revista “Nós”, o boletín mensual da cultura galega [Ano XVII. Ourense, Xullo-Nadal de 1935. Núm. 139-44. Tomo 12]. Nel, a Asociación de Escritores de Galicia rendíalle “conmovido homenaxe a Anxel Casal Gosende, o xerente da revista e fundador da editorial Nós”. Neste histórico número, do que só se conservaron dous exemplares [o de Leuter e o de Ben-Cho-Shey], aparece, na páxina 166,…
Mercamos, hai máis de 30 anos, en Almacenes El Pilar do Preguntoiro compostelán, o vinilo “Christmas with Leontyne Price”, desta extraordinaria soprano norteamericana [Misisipi, 1927], dirixida por Herbert von Karajan. Dende aquela, escoitamos todas as vacacións de Nadal [na casete que gravamos por duplicado] este singular LP [que tamén conservamos]. Nel atopamos versións moi aqueloutradas do “Ave María” de Bach e o de Schubert. Outrosí “O holy night” de Adam, o “Alleluia” de Mozart, o “Silent night” de Gruber, o “Hark…
Do noso libro “Nobres vencellados ao Castelo de Maceda” [Prol: 2009, Difusora], e dentro do capítulo monográfico de síntese, “João da Nova, o galego máis relevante do século XVI”, recuperamos -desta volta- parágrafos que contextualizan a súa xeira como alcaide de Lisboa, mesmo dende a súa residencia oficial no iconográfico Castelo de São Jorge, que fora erixido polos mouros no século XI: “Asentouse João da Nova en Lisboa polo ano 1480, mesmo cando empardecía o reinado de Afonso V [1438-81]….
Ao abeiro do centenario do nacemento de Fernando Euloxio Quiroga Palacios na vila de Maceda [Ourense], activamos o seu legado con traballos no semanario A Nosa Terra, no xornal La Región e tamén en La Voz de Galicia. Denantes fixeramos o propio na revista inculturada de reflexión cristián “Encrucillada”. O 21 de xaneiro de 2000, na sección “Sociedade”, o xornal de maior tirada eiquí [La Voz] dedicáballe unha páxina completa ao fillo predilecto de Maceda, que titulaba “O último Cardeal”,…