Nese día de 1946 a ONU puxo a andar a radio das Nacións Unidas. Quen declarou o 13 de febreiro como Día Internacional da Radio foi a UNESCO. Na nosa casa tiñamos un aparello de radio con caixa de madeira da marca Inter [a que aparece na foto e que conservamos con moito agarimo no noso estudio eiquí en Compostela]. Nela escoitabamos “o parte” que, naquela altura do franquismo sociolóxico, levaba en exclusiva Radio Nacional de España e que todas…
A mediados dos anos 80 do século pasado impartiamos aulas en Bembibre [A Coruña]. Naquela altura estaban de moda as Escolas Viaxeiras por todo o Estado español. 17 discentes de tres comunidades autónomas distintas visitarían unha provincia allea á súa comunidade. Compartirían vivencias culturais e turísticas ao longo dunha semana. Tocounos ir cos discentes de oitavo curso da nosa titoría a Cáceres. Como había un convenio do Ministerio de Educación con Renfe, os desprazamentos facíanse en tren e logo en…
No verán de 2007 fixemos coa nosa familia un circuíto polo norte de Alemaña, Holanda e Bélxica. Naquela viaxe ía incluída unha estancia en Amsterdam un par de días. Aproveitamos pra ver a Casa de Ana Frank, un museo prá historia que nos impresionara moito aos catro. Coas entradas viña un libriño guía de 16 páxinas, no que aparecía o relato ilustrado do que sucedera naquela casa dende o 6 de xullo de 1942 até o 4 de agosto de…
O 16 de xaneiro é a data que a “beatlemanía” lle recoñece a John Lennon, Paul McCartney, Ringo Starr e George Harrison. O noso profesor de Música da xeira universitaria, tamén era o director do Orfeón Unión Orensana, á par que organista oficial da Catedral de Ourense. Nalgunhas das excursións que faciamos con el no Orfeón, mesmo con actuacións alén do Padornelo e a Portugal, dicíanos o singular catedrático Xerardo Salgado Valdés, que os Beatles sabían moi ben o seu…
No programa “La Ventana” da Cadena SER, que emiten todas as tardes [de luns a venres] da man do prestixioso comunicador Carles Francino, hai unha sección titulada “Acontece, que no es poco”, que leva a singular escritora e xornalista Nieves Concostrina, á que xa lle seguimos a pista antes, en Radio 5 de RNE, coa sección “Polvo eres” e logo en “No es un día cualquiera” de Radio 1, con “El acabose” e con “Concostorias”. O seu xeito de contar…
A comezos de 2008 Francisco Carballo imprentou no semanario ANT unha columna con ese título. Sabíamos da súa querenza polos escritores uruguaios Eduardo Galeano e Mario Benedetti. Nós tivemos a fortuna de escoitalos -ao igual que Carballo- eiquí en Compostela máis dunha vez aos dous: “Non quero deixar de sumarme a ese agasallo en galego de Eduardo Galeano [Laiovento, 2008], unha escolma longa e trepidante de artigos deste avogado e xornalista para nós (…). De Galeano teño sempre á man…