Antano quen non saía no ESPASA non existía. Hogano quen non sae na Wikipedia non existe [a escala global]. Nesta singular enciclopedia dixital libre, se tecleamos a categoría “Nados en Maceda”, neste intre van aparecer 15 nomes [4 están vivos e o resto xa pasou á outra beira]. Son todos os que están, porén, non están todos os que son. Mesmo faltan algunhas mulleres… Imos nomealos tal e como se manifestan por orde alfabético [se pinchamos nos nomes aparece o…
No libro “Conversas co Bieito” [Prol, 2022, Ed. Difusora], dedicámoslle monograficamente o capítulo 6º á Agrupación Cultural Os Cabaceiros de Maceda, que el abandeirou dende comezos da década dos 80 até o remate do verán de 1986. Dende a páxina 83 até a 104 mergullámonos de vez naquela xeira cultural. Penduramos na achega de hoxe a resposta á última pregunta dese capítulo… ¿Que significou a Agrupación Cultural Os Cabaceiros nas novas xeracións de Maceda? “Comezaría dicindo que houbo bastantes presións…
Co gallo da presentación do libro “Conversas co Bieito”, a xornalista Paula Palomanes, do xornal La Región de Ourense, púxose en contacto con nós pra artellar unha entrevista [o sábado das Festas das Neves en Maceda] que sairía en formato papel [na que repararemos noutra achega] e un pequeno avance dixital [2 minutos e 25 segundos] que penduraría o xornal en “youtube” [17 de agosto de 2022], cunha breve nota pra contextualizala: “Santiago Prol recolle no seu último libro, “Conversas…
O 3 de agosto deste 2022, foi un día grande pra Maceda, pra Bieito e pra nós. Presentamos o relevante volume “Conversas co Bieito” [Prol: 2022. Ed. Difusora] que, como xa avanzamos noutra achega, amosa un nivelazo en todos os sentidos. Arredor dun cento de persoas cumprido tiveron a ben acompañarnos nesa xornada histórica, destacando nun lugar preferente a nai de Bieito [Milagros] e o seu núcleo familiar máis aceso. Ademais das intervencións de Alberte Pérez, Ana Garza, Anxo Quintana…
Xa temos o libro “Conversas co Bieito” [Prol, 2022, Ed. Difusora] nos escaparates das librerías de Maceda. Outrosí o cartaz da presentación [3 de agosto deste 2022, ás 8:30 pm], no Castelo de Maceda. Intervirán: Santiago Prol, investigador e autor do libro; Alberte Pérez, arquitecto e representante da Editorial Difusora; Ana Garza, socia da Asesoría Bieito de Ourense; Anxo Quintana, ex alcalde de Allariz e ex vicepresidente da Xunta de Galicia; Bieito Seara, economista, ex alcalde de Maceda, ex alto…
Aínda que desta volta penduramos a imaxe da portada, queremos reparar no texto da contraportada do libro “Conversas co Bieito” [Prol: 2022, Ed. Difusora], que axiña estará na rúa. ¡Beizón! “Abrangue esta singular achega boa parte da traxectoria de Bieito Seara [Maceda, 1960]. Infancia na vila, anos de iniciación no Colexio dos Milagres, formación universitaria en Santiago de Compostela, primeiros pasos no eido cultural á fronte d´Os Cabaceiros, outrosí o activismo liderando a Comisión Pro-Instituto, a empresa como referente na…