Esa acertada consigna agromou no maxín do Bieito en 1986. Tardou cinco longos anos até que foi unha realidade. Xa forma parte da nosa memoria colectiva de hogano. Nesa pegatina [“tuneada” coa autorización do Xosé Lois], aparecía o Carrabouxo cunha pancartiña na que destacaba a lograda consigna. Respostáballe un paisano, sinalando co dedo moi vehemente: ¡conseguirémolo! Abofé que así foi. Aquel delongado lustro de loita, de sinerxias, de empatía, de pedagoxía colectiva, de enerxía positiva e de implicación das forzas vivas da contorna de Maceda [intelixentemente liderados polo volcánico Bieito naquela altura], lograron que hoxe Maceda teña un instituto de Ensino Medio moi digno [IES San Mamede], que oferta educación secundaria pra toda a comarca e máis alá… Esta relevante fasquía, mesmo ampliada, axiña sairá á luz… ¡Saúde e Patria!