Recolle o xornal La Región, o 20 de febreiro de 2022, un titular moi interesante en clave nosa: “Carlos Núñez amosa aos seus seguidores o felo e o entroido de Maceda”. Logo, na entradiña engade que o popular músico, un dos gaiteiros máis recoñecidos a nivel mundial [con vencellos en Maceda, xa que logo o seu avó, o pedagogo avanzado Albino Núñez, exerceu a docencia na nosa vila na xeira republicana], estivo no entroido do 2022 na aldea de Tioira [Maceda], no Lar dos Felos, onde gravou un didáctico vídeo [2 minutos e 25 segundos] arredor deste singular patrimonio inmaterial noso, que compartiu nas súas redes sociais [pinchar eiquí pra ler a nova e ollar o vídeo].