Chegou ás nosas mans, logo do golpe de Estado en Chile [11 de setembro de 1973], unha casette na que se escoitaba o derradeiro discurso de Salvador Allende e o son das bombas guindadas dende os avións militares sobre o Palacio da Moeda. Logo veu a icónica cantiga de Pablo Milanés, que nos emociona hoxe coa mesma intensidade que cando a escoitamos a primeira vez:
Mergullámonos de vez na Revolución Sandinista de Nicaragua da man do doutor Celso Sánchez. Naquela altura de 1979 deixáranos unha casete do álbum musical “Guitarra Armada” [pinchar eiquí] de Carlos e Luís Mejía Godoy & Los de Palacagüina no que, dun xeito didáctico, formulaban instrucións sobre o emprego das armas curtas e dos explosivos. Podiase escoitar polas emisoras radiofónicas que estaban a prol da revolución. A copia que fixeramos daquela casete [que aínda conservamos] escoitámola no dyane-6 a tempo case…
Enterámonos do pasamento [con 94 anos de idade] do prolífico compositor norteamericano Burt Bacharach. Conforma dende hai moito tempo un dos parceiros que empregamos como pano de fondo pra conducir, estudar, investigar, escribir… Ás casettes cos seus éxitos máis senlleiros fixeron moitos quilómetros con nós. Vaise outro grande da nómina máis nosa. Que lle sexa leve a terra… Desta volta decantámonos por unha das máis senlleiras: “I´ll never fall in love again”. Listen:
Enterámonos onte -ao raiar o día- que Pablo Milanés [un dos grandes cantautores da nosa vida] nos deixara… Tivemos a oportunidade de escoitalo en directo varias veces [logo dalgunhas anulacións por mor da súa saúde]. Unha das memorábeis foi nunha megaactuación altruísta dun bo feixe de cantautores no Multiusos de Sar, eiquí en Compostela, a prol de NUNCA MÁIS e ao abeiro da morea de actos de dignificación, naquel histórico Nadal do 2002. Volvemos escoitalo co seu amigo Luís Emilio…
Onte, 10 de maio de 2022, cumpríronse 50 anos dunha histórica actuación do Zeca Afonso, na que incluíra a iconográfica cantiga que logo se trocaría en consigna na Revolução dos Cravos. Estabamos no tardofranquismo [1972] e o Zeca actuara no Burgo das Nacións en Santiago de Compostela coa mediación do cantautor Benedicto [de Voces Ceibes], co que mantiña amizade e compartía escenarios dende había algún tempo. Durante a última década de docencia [cando xa tiñamos canón, pantalla e ordenador nas…
O 16 de xaneiro é a data que a “beatlemanía” lle recoñece a John Lennon, Paul McCartney, Ringo Starr e George Harrison. O noso profesor de Música da xeira universitaria, tamén era o director do Orfeón Unión Orensana, á par que organista oficial da Catedral de Ourense. Nalgunhas das excursións que faciamos con el no Orfeón, mesmo con actuacións alén do Padornelo e a Portugal, dicíanos o singular catedrático Xerardo Salgado Valdés, que os Beatles sabían moi ben o seu…