Para o certame de Miss St. Helena de 2022, fixeron 12 curtas de 90 segundos nas que as participantes escollían un recuncho da illa descuberta en 1502 polo macedán João da Nova. O resultado foi un singular film duns 19 minutos de duración, no que van percorrendo parte dos lugares máis aquelados da illa. Ademais da introdución, podemos ollar: Diana´s Peak, A Day Sailing, Jacobs Lader, Napoleons Tomb, Ruperts Valley, Hight Knoll Fort, Museum of St Helena, Blue Hill, Monuments, Jamestown, Heart Shaped Waterfall. 12 grandes motivos para facer unha visita á Illa Santa Helena, vencellada xa por sempre con Maceda, a terra natal do seu descubridor. Beizón!